Lulzim Basha ka folur sot në mbledhjen e për futjen e draftit të reformës në drejtësi në kalendarin e Kuvendit.
Në përfundim të mbledhjes së grupit Basha akuzoi kryeministrin Rama si armikun e një reforme të pavarur dhe u shpreh i vendosur se nuk do të miratojë reformën me draftin e Edi Ramës. Ai i bëri thirrje deputetëve të mazhorancës që mos përdoren politikisht nga Rama, ndërsa theksoi se reforma do të jetë vetëm sipas rekomandimit të Venecias.
Basha: Kryetari i PD dhe opozita është unanime me qëndrimin e saj për një reformë që lufton krimin. Me aktin e sotëm Rama është vetëdenoncuar si armiku i një reforme të tillë. Duke avancuar në mënyrë të një anshme kërkesën për të miratuar një draft kushtetues që kap drejtësinë, Rama ka marrë përsipër dështimin e sigurtë duke bërë të mundur shtyrjen me të paktën një vit të reformës në drejtësi dhe nga ana tjetër duke rrezikuar deligjitimimin e parlamentit dhe destabilizimin e Shqipërisë.
Ajo që kërkojmë është ta përfundojmë këtë proces për ti dhënë shqiptarëve drejtësinë që meritojnë ata dhe jo një peshqesh për Edi Ramën i cili ka 1001 arsye ti trembet një drejtësia e pavarur.
Qëndrimi ynë mbetetet zbatimi i rekomandimit 88. Refuzuesi është Rama, sepse armiku i drejtësisë së pavarur është Edi Rama.
Sot i bën thirrje deputetëve të mazhorancës të mos përdoren politiksiht si mburojë nga njeriu që ka tmerr drejtësinë e pavaruar. PD ka bërë të gjitha përpjekejt për një drejtësi që nuk mbron krimin, por një drejtësi që ti shërbeje qytetarëve. Nëse ka kapje sipas draftit të Edi Ramës nuk ka reformë. Nëse ka reformë ajo do të bëhet sipas Komisionit të Venecias.
Qëndrimin e saj PD e shprehur edhe dje pas letrës së Gramoz Ruçit drejtuar Ilir Metës. Kreu i grupit Parlamentar Edi Paloka tha se futja në kalendarin e Kuvendit të draftit është një provokim për opozitën.
