Kreu i Partisë Demokratike Lulzim Basha ka folur ditën e sotme pas mbledhjes me koalicionin opozitar, duke thënë se memorandumi i nënshkruar mes partive të opozitës i dërgon një përgjigje të qartë koalicionit qeverisës sa i takon zgjedhjeve të ardhshme parlamentare.
Basha ka theksuar se, opozita është e bashkuar dhe kauza e saj është e qartë: “vota e qytetarëve, vullneti i tyre duhet të vendosë qeverisjen e vendit”.
“Zgjedhjet e lira nuk janë thjesht kërkesë e opozitës, por kauza e të gjithë popullit dhe interes jetik për vendin”, është shprehur Basha.
“Ndaj ftoj të gjitha partitë politike që duan zgjedhje të lira dhe të ndershme t’i bashkohen koalicionit tonë për votën e lirë. Çdo justifikim apo shmangie nga kjo çështje është kundër interesit të vendit”, ka thënë Basha.
