“ Projektin e Ramës e rrëzoi Gjykata Kushtetuese sepse ai kishte planifikuar kapjen politikisht të hallkës më të rëndësishme të luftës kundër korrupsionit”
Kretari i opozitës, Lulzim Basha tha sot se projekti i Byrosë Kombëtare të Hetimit nuk është ai i Ramës, pasi ai projekt u rrëzua nga Gjykata Kushtetuese. Basha tha se projekti për Byronë Kombëtare është hartuar nga ekspertët amerikan. Kreu i PD-së përsëriti ftesën drejtuar kryeministrit Rama për përshpejtim të procedurës për miratimin e Byrosë Kombëtare të Hetimit.
” Projekti i Byrosë Kombëtarë të Hetimit që pretendon Edi Rama nuk është ai që kishte ndërmend Edi Rama. Ai ishte një plan për të kapur politikisht hallkën më të rëndësishme të luftës kundër korrupsionit.
E vendos ashtu sic e vendos kushtetuta, ashtu sic rekomandon komisioni i Venecias. Nuk mund të operohet me modele jashtë kushtetutës, aq më shumë tani që Komisioni i Venecias është shprehur qartë për këtë çështje, por të jetë nën ministrinë e Brendshme, kjo nuk mund të funksionojë, as me këtë ministër, as me këdo ministër të brendshëm. Nuk mund të priten rezultate në luftën kundër korrupsionit që është produkt i keqqeverisjes. Prandaj mendoj që është absurde të pretendohet që mund të ecet me projektin e rilindjes, që ishte projekti i kapjes, i mbytjes të luftës kundër korrupsionit. Atë e hodhi poshtë Gjykata Kushtetuese. Sot kemi një projekt tjetër, të përgatitur nga ekspertët amerikanë, të rakorduar politikisht me të gjitha palët dhe të future në një suazë kushtetuese nga rekomandimet e Komisionit të Venecias, kështu që në një pikë bie dakord, nëse është gati komisioni i reformës në drejtësi le të ulen që nesër ta marrin këtë produkt, ta adoptojnë ta bëjnë gati dhe ta sjellin javën tjetër në parlament”, tha Basha.
