Protesta e opozitës së bashkuar ka dalë sërish përpara Drejtorisë së Policisë këtë paradite, pas asaj që ndodhi mbrëmë.
Kreu i PD, Lulzim Basha ka mbërritur në Drejtorinë e Policisë ku po mbahet protesta e opozitës ku kërkojnë lirimin e 50 personave të arrestuar mbrëmjen e djeshme në protestë.
Gjatë fjalës së tij Basha tha se beteja do të vazhdojë.
“Rrugët sheshet dhe shtëpitë e Tiranës u mbushën me gaz lotsjellës, një akt kriminal që nuk i përgjigjet aspiratës europiane të Shqipërisë. Por e kanë të kotë sepe ne nuk do të ndalemi, populli nuk do të ndalet. Qeveria është shndërruar në një juntë kriminale që i ka ditët e numëruara që dhunon qytatarët e vet. U dhunuan dje edhe të rinj e të reja të ardhur nga vendet ku studiojnë dhe punojnë në Bashkimin Europian, u helmuan të huajt që kishin ardhur në krah ë popullit shqiptar. Beteja do të vazhdojë ë e fuqishme më e fortë, çdo ditë, në çdo qytet, në çdo rrugë. Thirrje për intelektualët, biznesmenët sipërmarrësit, për artistët shqiptarë siç na jeni bashkuar bashkohuni me ne dhe të vazhdojmë këtë rrugë. Kjo nuk është një betejë sasiore por cilësore ne jemi mazhoranca numërike dhe reale e vendit. Beteja jonë e Shqipërisë si gjithë Europa do të vazhdojë”.
