“Drejtësinë nuk do ta dorëzojmë në duart e Ramës dhe të kartelit të drogës”
Kryetari i Partisë Demokratike Lulzim Basha deklaroi se një tufë të korruptuarish ndërkombëtarë kanë ngritur mitin se Rama do drejtësinë dhe ne nuk e duam.
“Me paratë e drogës shqiptare paguhen lobistë evropiane e amerikanë, fundërrina morale që bëjnë duanë e krimit të organizuar dhe qeverisë më të korruptuar të Evropës për të vjedhur milionat nga xhepat e qytetarëve më të varfër të Evropës. Kanë ngritur me një tufë të korruptuarish ndërkombëtarë mitin se Rama do drejtësinë dhe ne nuk e duam”- deklaroi Basha.
Gjata fjalën që mbajti në çadër në ditën e 50 të protestës Basha tha se Reformë në Drejtësi alla Shullazi nuk ka për të patur kurrë dhe drejtësinë nuk do ta dorëzojmë në duart e Ramës dhe të kartelit të drogës.
Më tej Basha tha se Rama është një Kryeministër injorant, delirant e arrogant.
“Ky është kryeministër injorant, delirant e arrogant, nuk është thelluar se kopertina ka qenë formimi i tij, kopertina dhe fasada është mundësia e tij e vetme për të qëndruar në pushtet. Njerëzit do të përballen me një ekonomi që do vazhdojë të lëngojë nën peshën e taksave të larta, për shkak të mungesës së zhvillimit, pasi tani çdo gjë kontrollohet nga byroja kriminale e Ramës” – tha Basha.
