Nga Bledian Koka
Lulzim Basha i ka të gjitha kushtet perfekte për të dhënë dorëheqjen në këtë pikë, bëje mos ki frikë, shpëton veten dhe PD-në. Ne nuk e dimë nëse Basha ka faj për kontratën e lobitmit, por ai nuk është në gjendje të rezistojë dhe të argumentojë bindshëm përballë ofensivës së mazhorancës dhe mediave të huaja (New York Times, Asociated Press dhe Zëri i Amerikës).
Ne nuk e dimë nëse Basha ke akoma një marrëveshje me Edi Ramën, por performanca e tij si para ashtu edhe pas marrëveshjes, nuk ka asnjë ndryshim. Thënë kjo performanca e vakët e tij në krye të PD-së nuk ka gjasa të forcohet në një barrë politike që ai nuk e mban dot më. Në këtë pikë dhe shumë të tjera para kësaj, Lul Basha nuk ka asnjë rrugë tjetër dhe nuk ka shans më të mirë në ditën më të keqe të opozitës për të dhënë dorëheqjen.
Sot Lulzim Basha mund t’i japë frymëmarrje politike opozitës duke u “vetëvrarë” politikisht në një aksion të tij që është në vdekje klinike dhe për këtë nuk ka doktor që i bën derman. Tanimë qasja ndaj politikës se Lulzim Bashës nuk ka asgjë personale, është thjeshtë “politics as usual” për kushtet ku e ka katandisur opozitën që ai nuk e mban dot. Prandaj sot dorëheqja nga lidershipi i PD-së është e vetmja rrugë për Lulzim Bashën dhe e vetmja rrugë për opozitën. p.s…Bëje dhe shpëto.
