Vijon puna e Komisionit parlamentar për shkarkimin e presidentit Ilir Meta, mbledha e radhës do të mbahet dotën e hënë në orën 14:00.
Mbledhja vjen në një kohë kur kreu i Partisë Demokratike Lulzim Basha deklaroi se prej disa muajsh, Edi Rama i ka propozuar postin e kryeministrit, ndërsa vetë ai do të bëhej president.
Por puna e komisionit duket se s’ka lidhje me ofertën e supozuar të Ramës për Bashën. Konflikti mes Metës e maxhorancës ka nisur kohë më parë, që me caktimin e datës së zgjedhjeve.
Ditën e hënë komisioni pritet të diskutojë lidhur me opinionin e Komisionit të Venecias për emërimin e anëtarëve të Gjykatës Kushtetuese. Opinioni u interpretua gjerësisht si mbështetje e Venecias për ligjshmërinë e veprimeve të presidentit Meta.
