Kreu i Partisë Demokratike, Lulzim Basha ka reaguar pas ngjarjes së mdodhur në aksin rrugor pranë Rinasit duke e konsideruar si akt mafioz dhunimin e biznesmenit të huaj.
Sipas kreut demokrat, goditja mafioze e investitorit dhe kërcënimi i tij me jetë nëse nuk largohet nga Shqipëria është dëshmi që kryeministri u jep krah bandave dhe mafias.
Basha thekson se ai është nga investitorët e projekteve më të mëdha turistike në vend dhe se akti është dëshmi e gjallë e sundimit të krimit dhe bandave në vend.
Basha: Dhunimi mafioz sot në mes të ditës, në aksin kombëtar të Rinasit i investitorit të huaj në një prej projekteve më të mëdha turistike në vend, që sjell zhvillim e vënde pune, është dëshmia e gjallë e therëse e sundimit të krimit e të bandave në vend.
Krimit dhe bandat e Edi Ramës e kanë kthyer territorin në parajsën e kanabisit, që vendosin gjoba ndaj biznesit, që janë mbi ligjin dhe kanë mbështetjen e vazhdueshme qeveritare.
Goditja mafioze e investitorit, kërcënimi i tij me jetë nëse nuk largohet, është ngjarja më e rënde që mund të ndodhte për ekonominë dhe rendin , e megjithatë Edi Rama ka heshtur, ka mbyllur sytë, me një qëndrim njësoj kriminal.
Kjo dëshmon qartë se është në krah të krimit, të bandave, të mafies, dhe se ai vete qëndron në krye të kësaj piramide. Por kjo piramidë e krimit do të bjerë, duke nisur nga neser në Dibër. Shqiperia me mire pa Edi Ramën.
