Kreu i PD, Lulzim Basha, i ka bërë thirrje urgjente autoriteteve mjekësore të marrin masa të menjëhershme pas përhapjes së koronavirusit në Itali.
Ai i ka kërkuar qeverisë të marrë masa serioze dhe se duhet të ketë kontrolle të shumta për të evidentuar dhe trajtuar çdo rast të mundshëm pasi numri i të prekurve në Itali po rritet.
Postimi i plotë:
“Çdo pikë kontrolli kufitar dhe qendër shëndetësore të pajiset pa asnjë vonesë me personelin dhe aparatet e duhura për të evidentuar dhe trajtuar në kohë çdo rast të mundshëm.
Për fat të keq në Italinë fqinje janë shënuar viktimat e para nga coronavirus ndëkohë që po rritet numri i të prekurve prej tij. I kërkoj qeverisë të marrë masa serioze dhe të menjëhershme. I bëj thirrje autoriteteve shëndetësore të nisin kontrollet në pikat kufitare”, shkruan Basha.
