Kryetari i opozitës Lulzim Basha ka deklaruar nga Shkodra se opozita do ta vazhdojë betejën deri në fund, për t’i dhënë shqiptarëve zgjedhjen që meritojnë dhe nxjerrë vendin nga kjo krizë.
Në një deklarat pë mediat pas takimit që zhvilloi me kryebashkiaken Voltana Ademin dhe me qytetarë, Basha tha se prioriteti ynë është t’i japim fund krizës politike.
“Janë me dhjetra kandidatë me rekorde kriminale, nuk qe vetëm rasti i Shkodrës. Siç e shihni dhe dëgjoni, as Edi Rama dhe as organizata e tij e strukturuar kriminale nuk kanë asnjë zgjidhje për Shkodrën dhe as Shqipërinë, as për stabilitetin, sigurinë, fatin e integrimit të vendit. Ndaj ne si opozitë kemi përgjegjësinë për t’i dhënë shqiptarëve zgjedhjen që meritojnë dhe nxjerrë vendin nga kjo krizë. Kriza është prodhuar nga bashkëpunimi politikës me krizën dhe kjo arrihet vetëm me ndarjen e tyre. Por kjo nuk arrihet pa zgjedhje, pa një transformim të thellë politik. Ndaj ne kemi ndërmarrë hapat që kemi ndërmarrë dhe do ta vazhdojmë betejën deri në fund.
