Kryetari i Partisë Demokratike, Lulzim Basha sulmoi ashpër kryeministrin Edi Rama, ndërsa e akuzon se ka humbur kontrollin mbi pandeminë.
Përmes një statusi në Facebook, Basha thekson se biznesi shqiptar kërkon një shpresë të re dhe një qeveri që i ndihmon dhe jo që iu merr vetëm taksat.
REAGIMI I BASHËS
Edi Rama humbi kontrollin mbi pandeminë dhe rrënoi bizneset e mëdha që punësojnë dhe prodhojnë. Ato nuk kanë marrë ndihmën e duhur nga qeveria. Kreditimi për biznesin shqiptar është shumë më i vështirë se për të ngjashmit e tyre në rajon.
Biznesi shqiptar kërkon një shpresë të re. Një qeveri që i ndihmon, jo vetëm u merr taksat. Një qeveri që kujdeset për sipërmarrjen – që mposht krizën dhe ringjall ekonominë.
Ne do të ndihmojmë biznesin dhe çdo familje shqiptare. Bashkë do ta shërojmë Shqipërinë dhe do të sjellim një shpresë të re për vendin.
