Kreu i Partisë Demokratike , Lulzim Basha ka akuzuar qeverinë Rama për degradimin e situatës së rendit dhe sigurisë në vend.
Basha tha se kur 3 shtetas u vranë me armë dje, Edi Rama nxorri një zhgarravinë duke thënë se po vendos rendin, se numri i vrasjeve është ulur.
Ai gjithashtu tha se këtë pasiguri totale në vend e ka mbjellur Rama , me kanabizimin e vendit, me sprapsjen e ligjit dhe me rreshtimin e tij dhe Tahirit në krah të krimit”
Kreu Demokrat u shpreh se dje policia, me urdhër të Ramës e Tahirit, i ka bërë rezistencë drejtësisë, duke penguar hetimin e duke mbrojtur 11 tonelata me drogë në Vlorë. Një bandit i qeverisë i del para prokurorit në Mat dhe me armë në dorë i pret rrugën drejt parcelave me kanabis.
Ky është shteti i Edi Ramës, ndërkohë që ai llomotit në Kuvend për drejtësinë, përfundoi fjalën Basha
