Sekretari i Përgjithshëm i PD-së, Gazment Bardhi ka akuzuar kryeministrin Edi Ramën dhe ministrin e Brendshëm Sandër Lleshajn se po i fryjnë konfliktit civil.
Në një deklaratë për mediat Bardhi u shpreh se asnjë mbështetës i PD-së nuk ka sulmuar KZAZ-në e Bushatit në Vaun e Dejës.
“Asnjë mbështetës i PD-së nuk ka sulmuar KZAZ-në e Bushatit. Tentativë e dëshpëruar e Edi Ramës kundër opozitës, duke bërë simbol Tom Doshin, i cili është në listën e zezë të SHBA-së. Zef Hila është në kryje të detyrës dhe askush nuk mund ta shkarkojë. PD dënon me forcë retorikën provokuese të Sandër Lleshajt dhe shefit të tij Edi Rama, i cili po i fryjnë konfliktit civil”, u shpreh Gazment Bardhi.
