Nga Gramshi ku u takua me të rinjtë e qytetit, deputeti Taulant Balla theksoi se opozita shqiptare është e vetmja në botë që nuk dëshiron mbajtjen e zgjedhjeve. Gjithashtu, ai e akuzoi PD-në se po mban peng implementimin e reformës në drejtësi.
” I vetmi vend në botë ku opozita nuk do zgjedhje, është Shqipëria. Dhe e dini pse nuk do zgjedhje? Nuk duan zgjedhje sepse duan të mbajnë peng Vettingun. Sot që kanë mandate deputetësh nuk duan të vijnë në Parlament për të votuar Vettingun.Sikur të dëgjojmë ata, pas 18 qershorit në këtë vend nuk do të ketë më as Parlament, as President dhe as Qeveri” – u shpreh Balla.
