Kryetari i grupit parlamentar të Partisë Socialiste Taulant Balla, ka sqaruar propozimet për ndryshimet ligjore, që prekin çështjen e fundit me Autoritetin e Dosjeve. Balla është shprehur se persona që rezultojnë me vepra konkrete në dëm të qytetarëve, do bëhen publike dhe do pengohen për tu ngjitur në karrierë apo për të kandiduar si anëtarë në Kuvend.
“Një paketë në fund të korrikut bazuar në propozimin e bazuar nga Autoriteti i Dosjeve,, është depozituar një nisëm për dy ndryshime. Për të hequr çdo pengesë dhe për të hedhur dritë mbi pastërtinë e personave që zgjidhen, nisur nga rasti për një politikan të nivelit të lartë që ka mbajtur pozicione shumë të rëndësishme në këto vite, mbi të rezultojnë dokumente të reja shtesë dhe për verifikimin e mëtejshëm janë disa pengesa që lidhen me ligjin aktual. Heqja e tyre lejon tranparencën e plotë jo vetëm për këtë politikan por për këdo, ka pasur dhe raste të tjera që kanë arritur ti shmangen përgjegjësisë morale dhe jo vetëm e janë ngjitur në hierarkinë e shtetit edhe pse kanë qenë pjesë e Sigurimit. Disa ish-sigurimsa kanë arritur ti shmangen përgjegjësisë, juristët e grupit tonë kanë punuar gjatë gjithë gushtit dhe po konsultohen për të konkluduar disa shtesa në këtë ligj, drafti përfundimtar nuk është ende gati. Persona që rezultojnë me vepra konkrete në dëm të qytetarëve, do bëhen publike dhe do pengohen për tu ngjitur në karrierë apo për të kandiduar si anëtarë në Kuvend” – tha Balla.
Balla më tej tha se Berisha është përfaqësues i lartë i Partisë së Punës dhe të konsiderohet dhe pjesa si sekretar partie, është e papranueshme që pas 32 vitesh ai dhe “non grata” tashmë ky person të vazhdojë të bëjë pis jetën politike në këtë vend dhe Kuvendin.
“Nuk bëhet fjalë thjesht dhe vetëm për këtë ndryshim por edhe element të tjerë. “Non grata” është vendim i SHBA-së, së fundmi dhe nga Anglia, i takon organeve të drejtësisë, i bëj thirrje SPAK që në bazë të akuzave dhe së fundmi dhe nga letra që i ka dorëzuar Berishës nga Britania e Madhe. Nuk adresohet në këtë paketë që po diskutojmë, i takon drejtësisë. Berisha është përfaqësues i lartë i Partisë së Punës dhe të konsiderohet dhe pjesa si sekretar partie, është e papranueshme që pas 32 vitesh ai dhe “non grata” tashmë ky person të vazhdojë të bëjë pis jetën politike në këtë vend dhe Kuvendin” – u shpreh Balla.
