Byroja Kombëtare e Hetimit do të miratohet pas Reformës në Drejtësi. Deputeti socialist Taulant Balla e konfirmoi këtë, i ftuar në “Tonight Ilva Tare”. “Për shkak se Gjykata Kushtetuese i ka përcaktuar detyrat që ka për të bërë, jemi të detyruar që vendimin e qeverisë, pra projektligjin që kalon përmes një vendimi qeverie ta integrojmë në ndryshimet kushtetuese, sepse po nuk ndryshuam kodin e procedurës dhe ligjin për Prokurorinë nuk hyn në fuqi”, tha Balla.
Nxitimi për ta miratuar si projektligj në këshillin e Ministrave, sipas Ballës lidhet me presionin që bëri opozita për ta miratuar me urgjencë këtë ligj. Ajo që duket pa sens në këtë deklaratë të Ballës është fakti se në çdo rast, projektliogji për Byronë e Hetimit do të miratohej pas Reformës në Drejtësi dhe nxitimi i qeverisë për ta miratuar, pavarisht presionit të politikës është pa kuptim.
