Pas ngjarjes së sotme në Elbasan, ku dy vëllezër u qëlluan me armë zjarri nga persona të panjohur, ka reaguar për herë të parë familja Çapja, e akuzuar në disa media si autore se sulmit.
Familja Çapja thotë se kjo ngjarje nuk ka asnjë lidhje me ta, ndërsa u drejtohet mediave të marrin përgjegjësinë e së vërtetës.
“Të nderuar zonja dhe zotëri të mediave. Në emër të familjes Çapja dhe të ligjit, ju kërkoj të mos spekuloni me të vërtetën dhe lajmin. Në të kaluarën familja jonë ka vuajtur shtrembërimin e së vërtetës. Ka ardhur koha që mediat të marrin përgjegjësinë e së vërtetës. Me respekt, familja Çapja.”- thuhet në reagim.
Dy vëllezërit 49 dhe 60 vjeç në Elbasan, teksa ishin duke punuar në punishte, janë qëlluar me armë zjarri nga persona të panjohur. Fatmirësisht ata nuk janë prekur nga plumbat, por janë lënduar duke u përplasur me objektet brenda punishtes kur vraponin për t’u shpëtuar plumbave.
Te dy vëllezërit janë dërguar në spital ku janë jashtë rrezikut për jetën.
