Pa ne nuk bëjnë dot as Edi Rama as Lulzim Basha bashkë me LSI se nuk i marrin dot 71 mandate
Kështu ka deklaruar kandidati për deputet Aqif Rakipi në një intervistë për Tema tv.
Rakipi theksoi se objektivi për zgjedhjet e 25 qershorit është dyfishimi i mandatet, ndërsa në Elbasan nuk diskutohet që do i trefishojmë mandatet.
Kandidati për deputet në Elbasan shtoi se marrëveshja 5% e pushtetit me Edi Ramën, nuk ka funksionuar asnjëherë.
“Në rang kombëtar do të dyfishojmë mandatet, në Elbasan nuk diskutohet që do i trefishojmë mandatet. Pse? Gjithmonë kemi qënë pranë njerëzve, pjesa e bashkëpunimit do të shohim se më cilin mund të bëhemi koalicion. Ose kush do na kërkojë , pa ne nuk bëjnë dot as Edi Rama as Lulzim Basha bashkë me LSI se nuk i kapin dot 71 mandate.
Ndërsa sot kemi faktor kyç politikës shqiptare, i kemi të gjitha kapacitet edhe për të qeverisur vetë.
Edhe pjesa e Edi Ramës ose qeveria e Edi Ramës, bashkë me Edin apo Ditmir Bushatin të cilin e përgëzoj me atë mbështetje që na ka dhënë komunitetit tonë, por që ka qënë gjithmonë një bashkëpunim me zotin Idrizi, i cili është një avokat shumë i fortë që merret me çështjet e komitetit çam. Ne kishim një marrëveshje 5% të pushtetit më tëpër me zonat ku ne ishim fitues, ishim deputetë dhe ajo lloj marrëveshje nuk ka funksionuar asnjëherë”, tha kandidati për deputet Aqif Rakipi
