Shtimi i rasteve në Gjermani ka bërë që kancelarja gjermane pas një mbledhje të qeverisë me Institutin Robert Koch ka vendosur që nga e hëna vendi i saj për një muaj t’i nënshtrohet atij që quhet “lockdown light”.
Qëllimi i qeverisë është ta vendosë situatën nën kontroll para Krishtlindjeve, në mënyrë që mos të cënojë festat e fundvitit.
Por çfarë është lockdown light, të cilin në Shqipëri po e publikojnë si karantinë e plotë.
Për një muaj në këtë vend do të mbyllen baret dhe restorantet, duhen pakësuar me sa mundet kontaktet shoqërore, por shkollat, kopshtet dhe azilet e pleqve do të mbeten çelur. Po ashtu, njerëzit nuk do të detyrohen të mbyllen në shtëpi, por mund të vazhdojnë aktivitetin e tyre duke patur parasysh që të ruajnë distancën sociale.
