Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Analisti gjerman: Jo vetëm që nuk ka negociata për Shqipërinë, por do të shtohen edhe kushtet

Nga 27.al 0

Takimi i kryeministrit Edi Rama me kancelaren Angela Merkel, në mediat e huaja kanë nisur analizat për fatin e negociatave mes BE-së dhe Shqipërisë në muajin tetor.

Nëpërmjet një shkrimi të publikuar mesditën e sotme, Damir Fras, korrespondenti për punët europiane të “Rrjetit Editorial Gjerman”,  shkruan se Bashkimi Europian, do t’i vendosë kushte të reja Shqipërisë për çeljen e negociatave për anëtarësim në Bashkimin Europian.

“Unioni kristandemokrat dhe SPD do të vonojnë çeljen e negociatave me Ballkanin. Ata nuk e shohin si të përshtatshme krizën dhe pasigurinë ligjore në Shqipëri”, e nis artikullin gazetari Fras.

Fras thekson se Shqipëria duhet së pari, të reformojë ligjin zgjedhor dhe të vendosë në funksion sistemin gjyqësor. Këto kushte sipas Fras janë nga më kryesoret, përpara hapjes së kapitujve të parë të anëtarësimin me BE-në. Gazetari shton gjithashtu se një çështje që ka hapur diskutime është, edhe lidhja e gjyqësorit me krimin në Shqipëri.

“Shqipëria do të duhej të reformonte ligjin e saj zgjedhor dhe të garantonte “funksionimin” e gjyqësorit – dhe shumë më tepër. Ndër të tjera, “përparim i qëndrueshëm në luftën kundër korrupsionit dhe krimit të organizuar në të gjitha nivelet”. Mbi të gjitha, lidhjet mes politikës, gjyqësorit dhe mafies vazhdojnë të shkaktojnë diskutime. BE do të deklarojë gatishmërinë e saj për të negociuar me Shqipërinë për anëtarësim. Në fund të fundit, ato nuk do të fillojnë për disa vite”, mbyllet artikulli pesimist i tij.

Shkrimi/ https://www.maz-online.de/Nachrichten/Politik/Beitrittsverhandlung-zur-EU-Groko-laesst-Albanien-zappeln?fbclid=IwAR00mMXB_W1Th55GR13R_nZtR63TkkqRNQUpFcg-pn2wEZttPOmoyCk_vnU

Image

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej