Nga Julian Hoxhaj
Alpinistët shqiptarë nga Shkupi, Ebasani, Kosova dhe Presheva, valëvisin flamurin kuq e zi në Serbi dhe ja marrin këngës e valles popullore.
Pak kush mund ta besojë, por alpinistët shqiptarë për të dytin vit radhazi marrin pjesë në një aktivitet alpinistik në Leskovac të Serbisë, ku veç aktivitetit sportiv, alpinistët kanë shpalosur simbolet kombëtare shqiptare. Artur Guni trajner i AST Elbasani tregon: “Në Serbi na kanë pritur shumë mirë. Nuk ka pasur asnjë reagim për shpalosjen e flamurit kombëtar, madje pas aktivtetit sportiv, ata shtruan një darkë dhe kënduan dhe kërcyen vallet e këngët tona”.
Ky është moment interesant për të kuptuar se atë që nuk e bën politia e kryen sporti. Ftesën e pjesëmarrjes për ekipet nga Shqipëria, Kosova dhe Maqedonia e ka bërë ekipi i alpinistëve të shqiptarëve të Preshevës.
