Deputeti i Partisë Demokratike, Tritan Shehu, ka folur sot gjatë një interviste televizive për përplasjen që pati me Bardhin dhe Edmond Spahon sot në Kuvend. Shehu ka shpjeguar ajo çka ndodhi sot nuk kishte lidhje me situatën në Partinë Demokratike, por me akuzat e Bardhit. Gjithsesi ai ngurroi që të jepte më shumë të tjera se kujt i përkiste vila e ish-ministrit që pretendon Bardhi.
Sakaq, Sheu tha se do ishte më e drejtë dhe më etike që Bardhi t’i çonte provat në prokurori nëse do kishte, në të kundërt duhet thirrur si i pandehur pasi po fsheh krimin. “Nuk dua të merrem me menskinitetet e Bardhit. Ato nuk kanë lidhje me PD-në, kanë lidhje vetëm me ata njerëz që duan të merren me tymnaja. Çdo njeri nëse ka fakte konkrete duhet t’i denoncojë, në të kundërt është bashkëpunëtor, ish-ministri i drejtësisë duhet t’i dijë mirë. Prokuroria duhet ta thërresë nesër pasi ai fsheh krimi”, tha Shehu.
Përplasja mes deputetëve të opozitës erdhi sot në Kuvend pas një deklarate të bërë nga Gazment Bardhi, i cili tha se një deputet i Rithemelimit, ministër në kohën e Sali Berishës është marrë peng nga Edi Rama pasi i është gjetur një vilë 760 mijë euro në zonën e Gjirit të Lalzit. Bardhi tha se kjo vilë i përket njërit prej deputetëve Flamur Noka; Edmond Spaho; Tritan Shehu dhe Bujar Leskajt. Por nuk e ka nxjerrë se për cilin bëhet fjalë.
