Si pasojë e aksidentit të djeshëm në Durrës ku mbetën të plagosur 4 persona, ka ndërruar jetë ditën e sotme një 16-vjeçar.
Aksidenti ndodhi mbrëmjen e djeshme në Sukth, ku si pasojë e përplasjes së një mjeti tip Benz me një automjet tip Renault mbeten të plagosur 4 persona.
Personat e lënduar ishin drejtuesi i mjetit Renault, i cili ndërroi jetë ditën e sotme në spital si dhe shtetasit E.B, 18 vjeç, B.M, 16 vjeç, dhe Z.B, 15 vjeç.
Policia e Shtetit ka arrestuar drejtruesin e mjetit tip Benz, shtetasin Gj. B., 54 vjeç, banues në Durrës, për veprën penale “Shkelje e rregullave të qarkullimit rrugor”.
Njoftimi i plotë i policisë: Durrës
Në vijim të informacionit të mbrëmshëm për aksidentin e ndodhur rreth orës 18:00, në Sukth, ju informojmë se ka ndërruar jetë pas disa orësh në spital shtetasi F. O., 16 vjeç.
Në vijim të veprimeve nga specialistët e Qarkullimit Rrugor në Drejtorinë Vendore të Policisë Durrës, u arrestua në flagrancë drejtuesi i mjetit tip “Benz”, shtetasi Gj. B., 54 vjeç, banues në Durrës, për veprën penale “Shkelje e rregullave të qarkullimit rrugor”.
Materialet i kaluan Prokurorisë së Rrethit Gjyqësor Durrës, për veprime të mëtejshme.
