Një 80 vjeçar është përplasur nga kamioni ditën e sotme në Unazën e qytetit të Elbasanit.
Sipas të dhënave nga policia, i moshuari është dërguar në spital jashtë rrezikut për jetën ndërsa vijojnë hetimet për zbardhjen e shkakut të aksidentit.
Njoftimi i policisë:
Në Unazën e qytetit të Elbasanit, shtetasi D.M., 50 vjeç, banues në Elbasan, duke drejtuar mjetin tip “Iveko Kamion”, ka aksidentuar këmbësorin shtetasin B. H., 80 vjeç, banues në Elbasan, i cili u transportu në Spitalin e Elbasanit jashtë rrezikut për jetën.
Grupi hetimor po punon për zbardhjen e shkakut të aksidentit.
