Mediat greke shkruajnë se KQZ në Shqipëri do votojë kundër Shpëtim Idrizit. Nga e dinë mediat greke se çfarë vendimi do marrë KQZ?
Historiani Arben Llalla, njëkohësisht aktivist për Çështjen Çame, ka publikuar artikuj të mediave greke që njoftojnë se KQZ në Shqipëri do të votojë kundër kërkesës së Shpëtim Idrizit për të marrë mandatin e deputetit në Tiranë.
Llalla shpreh dyshime për informacionin e mediave greke, ndërsa thekson se Athina ka hedhur mijëra euro që Idrizi të mbetet jashtë Kuvendit dhe PDIU të zhduket si parti.
“Mediat e sotme greke shkruajnë se KQZ në Shqipëri do të votojë kundër Shpëtim Idrizit. Ajo që është shqetësuese është se nga e dinë mediat greke se çfarë vendimi do të marrë KQZ sot? E kemi thënë që Greqia ka hedhur mijëra euro që Shpëtim Idrizi të mbesë jashtë Kuvendit të Shqipërisë dhe PDIU të zhduket si parti”, shkruan Llalla.
