Kryeminstrja serbe Ana Brnabiç në një intervistë për gazetën Blic e pyetur se cili do të ishte kryeministër më i mirë për Serbinë,Haradinaj apo Kurti ka deklaruar se të gjithë janë të njejtë.
“Kurti apo Haradinaj? Kosova është pjesë e Serbisë, dhe si partnerë të përgjegjshëm ne do të flasim me të gjithë që e përfaqësojnë palën tjetër”, tha kryeministrja serbe.
Ajo foli edhe për dialogun në Bruksel, ku tha se është e gatshme të marrë pjesë në negociata me Prishtinën.
“Në qoftë se ka nevojë që unë të shkojë në Bruksel, do ta bëj. Kjo është pjesë e punës sime. Por, sipas BE-së do të ishte më mirë për ta zhvilluar dialogun në nivel presidencial. Thaçi dhe Vuçiç deri më tani kanë marrë pjesë në dialog, dhe mendoj se kjo do të ishte zgjedhja e duhur”, shtoi Ana Brnabiç.
Kryeministrja serbe ditë më parë kishte deklaruar se qëndrimi i saj ndaj Kosovës do të vazhdojë të mbetet i njëjti, sikur ka qenë gjithmonë i udhëheqësve serb.
