Presidenti i SHBA Donald Trump i ka bërë thirrje Rusisë që të heqë dorë nga destabilizimi i Ukrainës dhe mbështetja e regjimeve diktatoriale, si ai në Siri dhe Iran.
Nga Varshava, Trump ftoi Moskën që t’i bashkohet bashkësisë së kombeve “të përgjegjshme”.
Pas deklaratave të shefit të Shtëpisë së Bardhë, Kremlini reagoi menjëherë duke hedhur poshtë akuzat e Trump për ndërhyrje në Ukrainë, si dhe ato për mbështetjen e regjimit të Assad në Siri dhe atij të ajatollahëve në Iran.
Trump dhe Putin pritet të takohen formalisht gjatë punimeve të Samitit të G20 në Hamburg.
