“Mbetet një nga parlamentet më të damkosur në 25 vjet, ku shumë njerëz nuk duhet të ishin aty, që gjykata i konstaton me konflikt interesi, me rekorde kriminale”
Partia Socialiste është përgjegjëse për futjen e kriminelëve në Parlamernt. Kjo është deklarata e përsëritur e deputetit socilaist Ben Blushi, kundërshtar i Edi Ramës në PS. Blushi i kërkon Ramës t’i kërkojë ndjesë shqiptarëve për këtë përgjegjësi direkte të tij, kriminalizimine parlamentit. “Partia Socialiste duhet t’i kërkojë ndjesë shqiptarëve për ndotjen e imazhit të parlamentit se ky mbetet një nga parlamentet më të damkosur në 25 vjet, ku shumë njerëz nuk duhet të ishin aty, që gjykata i konstaton me konflikt interesi, me rekorde kriminale, që detyruan BE të kushtëzonte parlamentin me ligj për dekriminalizmin ishin dhe mbeten aty”, tha Blushi.
Po kaq i ashpër është shprehur Blushi edhe me ish-kryeministrin Berisha për të cilin tha se duhet të ishte larguar nga politika 20 vite më parë. “Por nëse kthjellohet pas 20 vjetësh e vendos të lërë mandatin do jetë mirë jo vetëm për të, por për të gjithë, nëse ka ardhur koha ta mbajë fjalën për diçka ky është rasti” tha Blushi.
