Zbardhen mesazhet që drejtuesit e arsimit në kryeqytet iu dërguan mësuesve
Deputeti i Partisë Demokratike, Luçiano Boçi ka publikuar në Facebook mesazhet që qenë marrë të gjithë mësuesit e Tiranës, për të qenë pjesë në aktivitetin që po mbahet në “Pallatin e Kongreseve”, lidhur me reformat në arsim.
Boçi publikon disa foto të mesazheve, ku përfaqësues të PS sipas tij, iu kërkojnë me insistim mësuesve të marrin pjesë në këtë aktivitet, ku të pranishëm janë edhe kryeministri Edi Rama dhe ministrja e Arsimit, Lindita Nikolla.
Çështja merr përmasa më të rënda sepse janë edhe vetë drejtuesit e institucioneve arsimore që iu ushtrojnë presion mësuesve për të qenë të pranishëm në mbledhje.
