“Refuzoj të jap një përgjigje lidhur me darkën tek “Pazari i Ri” me Ramën”
Kryetari i Kuvendit dhe njëherësh kryetari i Lëvizjes Socialiste për Intergrim deklaroi se nëse opozita nuk merr pjesë në zgjedhje kthehemi në ’96.
I ftuar ne emisioni “Arena” në televizionin Ora News, Meta u shpreh se klima politike në vend nuk është normale që pas fillimit të protestës së opozitës në çadrër para Kryeministrisë.
Gjithashtu kryeparlamentari tha se zgjedhjet nuk janë as të opozitës as të pozitës, por sipas tij duhet gjendur një klimë dialogu për zgjidhjen e krizës.
“Të mos e fusim vendin në një krizë të panevojshme pasi Shqipëria e ka një eksperiencë të tillë” – tha kreu i LSI.
Ndërsa kur u pyet nga gazetari Hila për darkën më Ramën tek “Pazari i Ri“ Meta ka refuzuar që të përgjigjur duke mos dhënë kështu asnjë detaj lidhur me këtë takim.
“Unë rezervoj të flas për dreka darka, por qëndrimi im ka qenë ky, duhet dialog duhet të garantojmë opozitën, sepse përndryshe vëmë në dyshim institucionet, vëmë në pikëpyetje reformat e tjera. Kjo nuk ka qenë surprizë” u shpreh kryeparlamentari.
Më tej Meta tha se LSI është e vendosur për të pasur dialog politik dhe qëndrimi i kësaj partia sipas tij ka qenë për dialog midis palëve.
Teksa foli për Reformën në Drejtësi Meta u shpreh se LSI është dhe do të jetë e vendosur për zbatimin e kësaj reforme historike për Shqipërinë.
