Kryetari i Partisë Demokratike, Lulzim Basha u shpreh i vendosur se protesta e PD-së do vijojë deri në realizimin e kushteve, për zgjedhje të lira dhe të ndershme, largimin e Ramës si dhe formimi i një qeverie teknike.
Duke folur para mbështetësve të PD-së në çadrën ku po mbahet protesta, Basha tha se dy rrugë ka, ose të pranojmë të bie edhe ky institucion për zgjedhje të lira dhe të ndershme ose të qëndrojmë këtu.
“Qeveria duhet të ikë, pasi ka rënë. Të ikë pasi ka rënë ekonomia. Nuk ka detyrë më të madhe se ta shtrijmë protestën anembanë Shqipërisë, asgjë nuk do jetë më si më parë, deri sa zëri i shqiptarëve për zgjedhje të lira të dëgjohet dhe vullneti i tyre të respektohet. Ky kryeministër i ka dorëzuar çelësat e pasurisë oligarkëve”, tha Basha.
Tashmë protesta e opozitës ka hyrë në ditën e katërt të saj. Deputetë dhe mbështetës të PD-së vijonë të qëndrojnë në çadrën e inprovizuar para Kryeministrisë, duke kërkuar largimin e Ramës dhe krijimin e një qeverije teknike, që do të mund të garantojë sipas tyre zgjedhje të lira dhe të ndershme.
