Pas vizitave të fundit Kreu i PD, Lulzim Basha shprehet se faktori ndërkombëtarë është i angazhuar për zgjedhje të lira e të ndershme në shqipëri.
Sipas Bashës është mungesa e vullnetit politik të qeverisë, që pengon zgjedhjet e lira e të ndershme pasi sipas tij diktohet nga bandat e krimit të organizuar.
“Ka diçka të dobishme për çdo shqiptar, të djathtë apo të majtë, është dëshmia jo e një por e dy anëtarëve të kabinetit se lidhjet me krimin, me Balilajt dhe Habilajt, Edi Rama i ka në funksion të kapjes dhe prishjes së zgjedhjeve të ardhshme parlamentare”, ka thënë Basha.
“Ndaj është koha për një aksion politik mbarëqytetar. PD po nis shqyrtimin e të gjitha opsioneve, përfshirë protestat, për të arritur atë që kjo qeveri e korruptuar ka refuzuar ta bëjë në rrugë institucionale” tha Basha.
