‘Kjo ishte gjëja më absurde që kisha dëgjuar ndonjëherë, që partitë paskan fuqi të zhbëjnë Gjykatën Kushtetuese”
Kështu është shprehur Kryetari i Komisionit të Posaçëm të Reformës në Drejtësi, Fatmir Xhafaj lidhur me kërkesën e Partisë Demokratike për rinegocim të ligjit të vettingut.
Xhafaj gjithashtu u shpreh se “PD e bëri kauzë në Kushtetuese për të bllokuar procesin Vettingun dhe sot kërkon që të mblidhen dy partitë që t’i thonë Gjykatës se biem dakord”.
“Çështja është në Gjykatë, pavarësisht se nuk jam i bindur me vendimin e Kushtetueses për ta pezulluar, gjithsesi respektoj institucionin dhe po presim me qetësi opinionin e Komisionit të Venecias, i cili javën e ardhshme do të jetë publik. Shpresoj që Gjykata ka qenë serioze në pyetjet e dërguara në Kushtetuese dhe po ashtu të respektojë opinionin e Venecias”, u shpreh Xhafaj.
