Pritet që të ketë përmbytje në jug të vendit dhe lajmi bëhët i ditur nga Ministria e Punëve të Brendshme e cila ka paralajmëruar përmbytje në Gjirokastër, Fier dhe Vlorë.
Ndërkohë nga përmbytjet e një dite me parë në Kamëz janë larguar përkohësisht nga banesat 110 familje, në Paskuqan janë evakuuar 40 famije. Argjinatura e lumit Drin në Bulqizë është dëmtuar në një gjatës 500 m. Në fshatin Gurrëz të bashkisë Kurbin, u evakuuan 2 familje. Në qarkun Shkodër nga përmbytje janë nën ujë rreth 360 ha tokë
Zonat që mund të preken nga përmbytja ditën e sotme janë:
QARKU GJIROKASTËR
Në zonën e Memaliajt priten përmbytje dhe dalje të ujit mbi urën e Memaliajt.
QARKU FIER
Priten përmbytje të tokës bujqësore dhe prekje të banesave të fshatrave Frakull, Kafaraj, Çervenë.
QARKU VLORË
Priten përmbytje të fshatrave të njësisë administrative, Pishporo, Novoselë, Fitore dhe bashkia Selenicë.
