Akuzat se Partia Demokratike po lobon kundër hapjes së negociatave, Lulzim Basha, i cilësoi tentativë të mazhorancës për të tërhequr vëmendjen nga situata emergjente që sipas tij ndodhet vendi.
Basha tha se Brukselit nuk i është kërkuar asgjë më shumë sesa plotësimi i pesë kritereve të Bashkimit Evropian, zbatimin e dekriminalizimit dhe reformën zgjedhore.
Basha: Këto janë qëndrime të njohura të Bashkimit Evropian, janë qëndrime të njohura të opozitës në interesin publik të qytetarëve. Gjithçka tjetër është manovër për t’i hedhur hi syve qytetarëve dhe për të hequr vëmendjen nga dështimi i Edi Ramës.
