Policia austriake ka arrestuar tre persona, mes tyre edhe një 34-vjeçar shqiptar, për shitje të lëndëve narkotike dhe mashtrim. Mësohet se 34-vjeçari shqiptar, duke mos e kuptuar se klienti i tij ishte i infiltruar i policisë, i ka premtuar se do t’i shiste 600 gramë kokainë, për një vlerë prej 38 mijë eurosh.
Shqiptari jo vetëm që “i ka dalë nga fjala”, por në vend të kokainës i ka shitur miell, madje duke e mashtruar edhe për peshën.
Tashmë shqiptari, një rumun dhe një polak kanë përfunduar prapa hekurave, ku dy të parët akuzohen për mashtrim, ndërsa i treti për mashtrim dhe shitje të lëndëve narkotike, pasi i është gjetur 1.3 gramë kokainë e vërtetë.
