Lu e Vlahutin: Vetingu nuk duhet të kompromentohet nga influencat e partive politike”
Një një mbledhje të Komisioni të Posaçëm të Reformës në Drejtësi, Lu e Vllahutin kanë përcjellë mesazhin e qartë se nuk do të pranohet asnjë lojë politike në dëm të procesit të vetingut. Të pranishëm në mbeldhjen e pak ditëve më parë të këtij komisioni, dy ambasadorët kanë përsëritur qëndrimet e tyre të palëkudnura duke sqaruar se ky është qëndrim i Brukselit dhe SHBA-së.
“Të gjithë janë plotësisht të ndërgjegjshëm se kredibiliteti i kësaj reforme do të duhet të ruhet në çdo hap dhe udhëzimet e qarta që kemi nga zyrat tona qendrore janë se vetingu nuk duhet kompromentuar nga influencat jo të duhura të partive politike. Ne sinqerisht shpresojmë për një miratim të shpejtë të reformës me shumicë kushtetuese, para mbylljes së sesionit parlamentar të verës, në mënyrë që procesi i integrimit të Shqipërisë në BE të mos ndërpritet.”, tha Vlahutin.
Mesazhi është mbështetur nga ambasadori Donald Lu, i cili është shprehur se drafti i ndryshimeve kushtetuese ka mbështetjen e Shteteve të Bashkuara të Amerikës.
I pranishëm në këtë mbledhje ka qenë edhe deputeti demokrat Oerd Bylykbashi, i cili ka përsëritur qëndrimin e opozitës në këtë komision.
“Kjo mazhorancë nuk i ka 94 votat në asnjë formë, që garanton një integritet të procesit përtej çdo dyshimi, një legjitimitet të produktit në sytë e shqiptarëve. Nuk garanton përveçse me dy forma: e para, trafikimi i votave në Parlament dhe, e dyta, qëllimi për ta dështuar përkundër 94 votave të pabëshme dhe si rrjedhojë, për ta shtyrë me një vit Reformën në Drejtësi. Besoj se të dyja kanë një kosto të jashtëzakonshme politike, por edhe më shumë se politike. Opozita nuk është e gatshme për asnjë sekondë t’i rrezikojë të dyja, por është e gatshme që, siç jemi duke negociuar, të gjejmë një zgjidhje përfundimtare për këtë çështje të vetme, e cila do të garantojë që të katërta organet kolegjiale (siç thotë Komisioni i Venecias dhe askush nuk mund ta zhvendosë këtë që thotë ai, sepse është opinion final), të garantojnë përfaqësimin e opozitës, të garantojnë pavarësinë e sistemit nëpërmjet ekuidistancës politike. Çdo gjë tjetër nuk i shërben kompromisit”, ka thënë Bylykbashi.
Pas deklaratës së Bylykbashit, anëtarët e opozitës në këtë komision kanë bojkotuar mbledhjen.
