Sekretari amerikan i Shtetit, John Kerry, sot do të qëndrojë në Bruksel dhe Londër për të biseduar rreth Brexit-it apo daljes së Britanisë së Madhe nga Bashkimi Evropian.
Ai i ka bërë thirrje, të dielën në Romë, Britanisë dhe BE-së që të punojnë së bashku për të qetësuar tregjet, pasi dalja e Britanisë nga blloku evropian ka shkaktuar ankth në mesin e investitorëve në gjithë botën.
Ndërkohë, po sot, kryeministri britanik, David Cameron, i cili ka thënë se do të japë dorëheqje këtë vjeshtë, do t’i adresohet Parlmentit britanik.
Presidenti i Bashkimit Evropian, Donald Tusk, do të takojë presidentin e Francës, Francois Hollande, dhe kancelaren gjermane, Angela Merkel.
Monendha britanike sterlina ka vazhduar të humbë në vlerë edhe sot.
Të premten, sterlina ka pasur rënien më të madhe njëditore kundrejt dollarit – në një fazë ajo ka rënë në 1,3236 $.
