Idrizi:Çështja çame ka zot, na ka vetëm ne në këtë sallë, ka të gjithë shqiptarët nga Kosova, nga Mali i Zi, nga Presheva, nga Maqedonia, SHBA kudo që jetojnë shqiptarë
I ftuar nderi në kongresin e PDIU-së kryeministri Rama ka krijuar një atmosferë miqësore në sallën e kësaj partie duke shprehur konsideratën pë PDIU dhe premtimin për zgjidhjen e çeshtjes çame. Me batura miqësore mes tij dhe kreut të PDIU-së, është shoqëruar atmosfera kur secili prej tyre mbajtën fjalën në këtë kongres. Në mesahzte që dhanë duket se po afrohet një klime e re më pozitive në marrëdhëniet mes tyre. Kritikave të Idrizit, Rama i është përgjigjur mjaft pozitivisht duke i cilësuar ato të drejta.
Deklarata
“Afërmendsh dhe mes nesh ne nuk jemi as identik dhe as fotokopje e njëri-tjetrit. Ne jemi pjesë e një aleance që ka pushtetin, por që ne pushtet nuk kemi ushtruar. Deri në sot kemi pasur vetëm pushtetin e ideve tona. Deri më sot ne kemi pasur mbështetjen tuaj dhe unë për këtë ju jam shumë mirënjohës, por kjo nuk do të thotë që nuk jemi të zotët të shpalosim aftësitë për qeverisje. Ne 3 bashki që na u dha mundësia të garonim ne fituam”, tha idrizi.
Reagimi
“Shpëtimi ishte dashamirësisht kritik ndaj meje dhe e bëri këtu në Pallatin e Sportit, fiks ku ka qenë koshi i basketbollit. Duke qenë se unë kam luajtur basketboll e mësova që atëherë që në basketboll gjuhet më i gjati, në politikë më i madhi, në jetë gjuhet nga ai që bën më shumë dhe ai që bën çfarë mundet por nuk ka çfarë të bëjë më shumë. Gjuajtjet e Shpëtimit janë të mirëseardhura dhe me siguri kanë efektin e dobishëm që më bëjnë mua të mos kënaqem asnjëherë me gjatësinë time. Ju falenderoj që më falenderuat në këtë Kongres, falenderoj Shpëtimin që u bë sebep që takohem dhe unë me Vatrën se mua Vatra më sheh si njeri të dyshimtë”, tha Rama.
Qëndrimi i përbashkët pë çeshtjen çame
Dy dite perpara vizites se ministrit të jashtënm grek Kocias në Tiranë, Idrizi që mbron interesat e komunitetit çam dhe kryeministri Rama përcollën këto mesazhe për cështjet që qëndrojnë pezull mes dy vendeve.
“Çështja çame ka zot, na ka ne në këtë sallë, ka të gjithë shqiptarët nga Kosova, nga Mali i Zi, nga Presheva, nga Maqedonia, SHBA kudo që jetojnë shqiptarë. Ka një rezolutë për shqiptarët e camerisë e cila detyron qëverinë shqiptare që ta adresojë çështjen çame tek partnerët ndërkombëtarë”, tha Idrizi. Ndërsa kryeministri Rama theksoi për çeshtjen çame: “Mos prisni që nga ky kongres unë të hedh rrufenë mbi Greqi sepse këtu nuk jemi në malin e Olipit. megjithatë më lejoni ta them me krenari atë qe e dinë të gjithë. Unë jam i kryetari i të parës parti shqiptare që futi në programin e vet çështjen çame. Unë me krenari jam kryetari i të parës parti që jo vetëm në marrëdhëniet me Greqinë, por edhe me fqinjët dhe të tjerëve përtej fqinjëve është e vendosur të kërkojë dinjitet dhe vendosmëri në kërkesën për reciprocitet në respekt”, tha Rama.
