Një tjetër humbje është shënuar në radhët e bluzave të bardha.
Mjeku Geron Husi nuk ka mundur të fitojë betejën me koronavirusin dhe për pasojë fatkeqësisht ka humbur jetën.
Lajmin e ka bërë me dije mjeku infeksionist Tritan Kalo, ndërsa shpreh ngushëllime për humbjen e kolegut të tij.
“E pabesueshme por dhëmbshurisht e vërtetë… Sars-Cov2/Covid-19 edhe kësaj here goditi tinëzisht… Armatës së Mantelbardhëve nga sot e tutje do t’i mungojë një anëtar i shquar i saj, dr. Geron Husi… Gojëmbëli, zemërmadhi, mëndjendrituri, buzëgazi, fjalëpaku dhe punëshumi si ai…”,- shkruan Kalo.
Gjithashtu, Kalo tregon se pas 30 vitesh njohje personale me mjekun Husi, e ka të vështirë të besojë se ky është edhe takimi i fundit me të, ndërsa i shpreh ngushëllimet dhe mbështetje familjes ai thekson: “Të bëhen të fortë dhe të jenë kurdoherë krenarë për mjekun, bashkëshortin, babain dhe kolegun tonë shembullor, dr. Geron Husin… U prehsh në Paqen e përjetëshme Mik!!!”
