Partia Drejtësi Integrim dhe Unitet ka mbështetur vendimin e Presidentit për kthimin e Ligjit nr.16/2021, i cili ratifikon ndryshimin e marrëveshjes së koncesionit, ndërmjet Këshillit të Ministrave dhe Shoqërisë Koncesionare “Tirana International Airport” sh.p.k., “Për ndërtimin, vënien në punë, operimin dhe mirëmbajtjen e Aeroportit Ndërkombëtar “Nënë Tereza” Tiranë”.
Përmes një deklarate, PDIU deklaron se grabitja arrogante që po i bëhet shqiptarëve, do të thotë bileta udhëtimi më të shtrenjta, më pak siguri të fluturimeve, më pak shërbime, ligje të shkelura nga qeveria për Oligarket dhe fonde të dyshimta për pushtetin, në ditët e tij më të zeza.
DEKLARATE E PDIU
PDIU mbështet vendimin e Presidentit për kthimin e Ligjit nr.16/2021, i cili ratifikon ndryshimin e marrëveshjes së koncesionit, ndërmjet Këshillit të Ministrave dhe Shoqërisë Koncesionare “Tirana International Airport” sh.p.k., “Për ndërtimin, vënien në punë, operimin dhe mirëmbajtjen e Aeroportit Ndërkombëtar “Nënë Tereza” Tiranë”.
Ky akt korruptiv i cili shtyn me 13 vite pa asnje procedurë konkurimi një koncesion qe kishte afat edhe 6 vite të tjere, në shkelje të hapur të Kushtetutës dhe ligjeve të shtetit shqiptar , është simboli i babëzise së ditëve te fundit që i kanë mbetur kësaj qeverie.
Grabitja arrogante që po i bëhet shqiptarëve, do të thotë bileta udhëtimi më të shtrenjta, më pak siguri të fluturimeve, më pak shërbime, ligje të shkelura nga qeveria për Oligarket dhe fonde të dyshimta për pushtetin, në ditët e tij më të zeza.
Në ditët fundit të pushtetit të tij babloku, po përpin tokë, det, porte e aeroporte për një grup njerëzish, që ua shpërndan si në mall të babës.
I ftojmë shqiptarët të mos harrojnë që kanë përpara tyre njeriun që ndërsa i kërkon votën i fut dorën në xhep çdo ditë, ndaj 25 prilli duhet të jetë dita për të votuar ndëshkimin e vjedhjeve, arrogancën dhe shtetin personal të Ramës dhe oligarkëve të tij.
Ky nuk është më shteti i shqiptarëve, është shteti i Ramës dhe 5 oligarkëvë që vjedhin çdo pasuri publike.
