Nga Leontina Nika
Më 23 tetor, shtëpia e At Gjergj Fishtës në Fishtë, të Lezhës, monumente kulture, u inaugurua, pas restaurimit të saj. Në ceremoni mori pjesë Edi Rama edhe ministrja e Kulturës, Elva Margariti. Tre muaj pas inaugurimit dera është e kyçur.
Entuziazmi i restaurimit të kësaj shtëpie dhe hapjes së derës vetëm në një ditë, u shua shpejt, për pjesëmarrësit ne përurim. Nuk janë të paktë turistët vendas dhe të huaj, të cilët dëshirojnë që të vizitojnë këtë objekt, por ende shtëpia ka mbetur peng i një ngërçi të pa zgjidhur mes pronarëve të shtëpisë, të cilët kanë çelësat dhe administratorit, i cili në këtë rast është Ministria e Kulturës.
