Ministrja e Mbrojtjes hedh alarmin për ndotjen me tonelata nafte në Zvërnec
Rreth 5 km vijë bregdetare është ndotur për shkak të hedhjes së tonelatave me naftë në Zvërnec. Lajmi konfirmohet nga Ministrja e Mbrojtjes, Mimi Kodheli, e cila ka dhënë detaje edhe rreth autorëve të ndotjes së bregdetit shqiptar në prag të sezonit turistik. Përmes një postimi në facebook, Kodheli sqaron se forcat e ushtrisë janë tashmë në operacion për parandalimin e përhapjes së ndotjes së dhe pastrimit të bregdetit.
“Disa ton naftë e papërpunuar ka ndotur gati 5 km vijë bregdetare, për shkak të një rrjedhjeje nga një anije që furnizohej te Petrolifera. Forca Detare është në lundrim në ndihmë të operacionit për parandalimin e përhapjes së ndotjes dhe pastrimin e saj. Si ministre e Mbrojtjes dhe qytetare e Shqipërisë dhe që me dhimbset çdo centimetër katrorë tokë apo det i vendit tim; ZERO tolerancë për përgjegjesit”, shkruan më Kodheli.
