Nga Dritan Kaba
Nëse policët me urdhëra politike, mbysin fëmijët dhe gratë në gaz helmues që të garantohet pushteti dhe karrigia e Dallkaukut kryeministër
nëse policia shkon e iu futet banorëve në shtëpi në katër të mëngjesit kundër ligjit, pa një vendim gjykate t’i dëbojë nga prona e tyre e ndërtuar me gjak se kështu urdhëron Dallkauku kryeministër
nëse policia dhunon të rinj dhe të reja se protestojnë për të drejtat e tyre se kështu urdhëron Dallkauku, kryeministër
nëse policia dhunon fermerët që protestojnë kundër politikave të mbrapshta të kësaj qeverie se kështu urdhëron Dallkauku kryemnistër
nëse policia përdoret për shantazhe politike dhe grabitje votash se kështu ia kërkon Dallkauku kryeministër
Nëse policia përdoret për mbrojtur arat me drogë dhe për të bërë të mundur kalimin e drogës matanë kufirit, se i mbron Dallkauku kryeministër
nëse policia bashkëpunon me krimin e organizuar, se kështu do Dallkauku kryeministër
nëse policia dhunon qytetarët si në rastin e shembjes së paligjshme të Teatrit, se kështu i do “mideja” Dallkaukut kryeministër
nëse policia arreston me urdhër politik qytetarë të pafajshëm në kundërshtim me ligjin, si rasti i Avokatit Altin Goxhaj apo gazetarit Flavio Qarri apo shumë e shumë qytetarë të tjerë çdo natë, se kështu kënaqet Dallkauku kryeministër
nëse për policinë miratohet një ligj thellësisht jo vetëm antikushtetues që i jep të drejta që teë përgjojë, të arrestojë, të vlerësoje prova në mënyrë, e theksoj, antikushtetuese dhe në kundërshtim me Kodin Penal, se kështu Dallkauku kryeminister do të kontrollojë edhe manipuloje zgjedhjet
Dhe askush nuk ndëshkohet, dënohet sipas ligjeve, kur kanë zbatuar urdhëra të paligjshem politike, atëherë mos u habisni që edhe mund të vrasë.
Qeveria dhe arroganca e saj e vranë të riun 25 vjeçar. Antikushtetutshmëria e saj e vranë atë djalë. Banditizmi i kësaj qeverie ia ndërpreu jetën në mes, ashtu siç po detyron me mijëra të rinj të marrin rrugën duke rrezikuar jetën në kamionë frigoriferike apo në gomone.
Mungesa e shpresës që vjen se kjo qeveri ka monopolizuar gjithshka, tregun. arsimin, shëndetësinë, të gjitha resurset ekonomike dhe garat si për ekonominë apo edhe për vendin e punës, i ka vrarë të rinjtë. Eshtë pikërisht “sponsorizimi” i politikës së drogës që bën kjo qeveri kriminale i ka detyruar të rinjtë të bëhen “punonjës” të bandave kriminale.
Arroganca, paligjshmëria, antikushtetutshmëria e qeverisë vret më shumë.
Polici tërhoqi këmbzën, Klodianin e vrau Qeveria.
