Presidenti Ilir Meta ka shprehur shqetësimin e tij ditën e sotme në lidhje me numrin e testimve për Covid-19.
Me anë të një postimi në rrjetet sociale Meta shprehet se Shqipëria është e fundit në Europë për numrin e testimeve të kryera.
Ndër të tjera Kreu i Shtetit shkruan se testimi është veprim themelor sepse i hap rrugën gjurmimit dhe trajtimit të bazuar mbi diagnozë, teksa thekson se edhe OBSH që në fillim të pandemisë ka kërkuar testim në masë.
“Është shumë shqetësuese që Shqipëria është e fundit në Europë për numrin e testimeve të kryera. Testimi është veprim themelor sepse i hap rrugën gjurmimit dhe trajtimit të bazuar mbi diagnozë. OBSH ka qenë shumë e qartë që në momentin kur pandemia COVID-19 u shfaq, duke kërkuar: TESTIM! TESTIM! TESTIM! Kjo kërkesë është sot më urgjente se kurrë pasi rastet e të infektuarve, krahasuar me muajin prillin, janë rritur me mbi 11 herë,” shkruan Meta në postimin e tij.
