Flamur Noka: Ministri të thirret në Komisionin e Sigurisë
Deputeti i PD Flamur Noka, në cilësinë e zv.Kryetarit të Komisionit Parlamentar të Sigurisë paraqiti kërkesën e opozitës për ti kërkuar komisionit të thërrasë Saimir Tahirin në lidhje me paisjen e përgjimit. Sipas Nokës me anë të kësaj paisjeje Edi Rama po përgjon jo vetëm telefonat e rivalëve të tij politikë por edhe gazetarë e ambasadorë. “Hipotezat jane të shumta. Tahiri përgjon e regjistron telefonatat e rivalëve të bandave të tij. Tahiri përgjon rivalët politikë të Edi Ramës, opozitën, gazetarë dhe ambasadorë të rëndësishëm.Pajisja e Përgjimit është krimi i fundit dhe më flagranti që lidh bashkë Ramën dhe Tahirin dhe kështu të zhytur të dy në llumin e krimit mbajnë njëri-tjetrin”, deklaroi deputeti Noka.
Ndërkohë në reagimin e tij në FB ministri i brendshëm Sajmir Tahiri shkon edhe më tej se akuzat e opozitës, duke lënë të nëkuptojë se në këtë cështje është përfshirë edhe Shërbimi Informativ e Prokuroria. “Tanimë Fronti i së keqes ka shkuar përtej opozitës. Faleminderit SHQUP-it që ma kujton, pa kursyer dhe të dielën”, shkruan Tahiri në FB.
