Ministri i Shëndetësisë i Kosovës, Armend Zemaj, ka thënë se qeveria është në rrugën e duhur për sigurimin e vaksinës kundër COVID-19.
Ai është shprehur se po punohet që të bëhet e mundur sigurimin e vaksinave kundër Covid, që sipas tij do të sigurohet më pas falas për qytetarët e Kosovës.
“Jemi në hapa konkret dhe që mendojmë të realizueshëm nëse vaksina hidhet në përdorim që edhe ne ta sigurojmë për të gjithë qytetarët e Republikës së Kosovës…. Tash mbetët një vlerësim i yni në të dy rrugët. Unë si ministër i Shëndetësisë obligohem dhe zotohem që duhet të siguroj për gjithë qytetarët e mi, pavarësisht çmimit apo mënyrës, se si të arrij që ajo vaksinë të jetë për qytetarët e Republikës së Kosovës. Unë do t’i vaksinoj falas”, është zotuar Zemaj.
Ndër të tjera Zemaj u ka bërë thirrje qytetarëve që të respektojnë masat kundër Covid-19.
