“Po na vidhni vaksinën anti-Covid”, SHBA urdhëron Kinën të mbyllë konsullatën në Houston

SHBA ka urdhëruar Kinën të mbyllë konsullatën e saj në Houston të Teksasit, deri të premten, një veprim i përshkruar si “provokim politik” nga Pekini.
Departamenti i Shtetit i SHBA tha që vendimi ishte marrë “me qëllim të mbrojtjes së pronës intelektuale amerikane”. Por zëdhënësi i ministrisë së jashtme të Kinës, Wang Wenbin tha që ishte “i egër dhe i pajustifikuar”. Deklaratat erdhën pasi individë të paidentifikuar u filmuan duke djegur dokumente në kazanët në oborrin e ndërtesës. Tensionet janë rritur në mes të SHBA dhe Kinës prej disa kohësh.
Administrata e Presidentit Donald Trump është përplasur në mënyrë të përsëritur me Pekinin mbi tregtinë dhe pandeminë koronavirus, si dhe imponimin e Kinës për një ligj të ri të diskutueshëm të sigurisë në Hong Kong. Pastaj të martën, departamenti i drejtësisë amerikane akuzoi Kinën për sponsorizimin të hakerave që synonin laboratorët që zhvillonin vaksina Covid-19, duke akuzuar dy shtetas kinezë që dyshohet se spiunuan në ndërmarrjet amerikane të kërkimit dhe morën ndihmë nga agjentët shtetërorë për vjedhje të tjera. Pse SHBA thanë që po mbyllte konsullatën? Departamenti Amerikan i Shtetit lëshoi një deklaratë menjëherë pasi Z. Wang foli të mërkurën.
“Ne kemi urdhëruar mbylljen e Konsullatës së Përgjithshme të PRC (Republikës Popullore të Kinës) Houston, në mënyrë që të mbrojmë pronësinë intelektuale amerikane dhe informacionin privat të Amerikës,” tha zëdhënësi i Departamentit të Shtetit Morgan Ortagus.
Ajo shtoi se SHBA “nuk do të tolerojë shkeljet e PRC për sovranitetin tonë dhe frikësimin e popullit tonë, ashtu si ne nuk kemi toleruar praktikat e padrejta të tregtisë së PRC-së, vjedhjet e zbulimeve amerikane dhe sjelljet e tjera agresive”. Zonja Ortagus gjithashtu tregoi Konventën e Vjenës, sipas së cilës shtetet “kanë për detyrë të mos ndërhyjnë në punët e brendshme” të një vendi pritës.
Konsullata është një nga pesë të tillat në SHBA, pa llogaritur ambasadën në Washington DC. Është ende e paqartë pse u veçua ajo e Houston. Si reagoi Kina ndaj urdhrit? Kina e quajti vendimin “një përshkallëzim të paparë”, duke thënë se shkelte ligjin ndërkombëtar.
Z. Wang tha se Uashingtoni ishte “duke e zhvendosur fajin në Kinë me stigmatizim dhe sulme të pajustifikuar”. Ai i bëri thirrje SH.B.A. të rishqyrtojë, duke thënë nëse insiston “të zbrisni këtë rrugë të gabuar, Kina do të reagojë me kundërmasa të forta”.