Kryeministri britanik Boris Johnson po përmirësohet ditë pas dite, pas komplikacioneve të shëndetit të tij.
Johnson është i infektuar me koronavirus, ndaj u shtrua në spitalin St.Thomas, ku qëndroi për 3 ditë në terapi intensive.
Tani që ka filluar të përmirësohet, Johnson nuk mund të linte pa falenderuar mjekët të cilët i shërbyen dhe i shpëtuan jetën.
“Unë nuk mund t’i falenderoj sa duhet. Unë u kam borxh atyre jetën time”, ka thënë Johnson për stafin e NHS.
Kryeministri do të vazhdojë të qëndrojë nën kontrollin e mjekëve, ndërsa rolin e tij në krye të qeverisë e ka marrë Sekretari i Jashtëm Dominic Raab.
