Ish-ministri i jashtëm Kastriot Islami në një intervistë të dhënë u shpreh se në rast se qeveria shqiptare nuk rrit testimet për personat e prekur nga koronavirusi, atëherë situata e të prekurve mund të bëhet e pamenaxhueshme.
Islami tha se masat e ndërmarra nga qeveria shqiptare janë shumë drastike, ndërkohë që transparenca lë shumë për të dëshiruar, çka bën që qytetarët të mos i respektojnë ato.
“Nëse nuk bëhet testimi është e vështirë që situata të menaxhohet.
Njerëzit duhet të ndërgjegjësohen dhe kjo nuk mund të bëhet vetëm me gjoba, duhen veprime transparence. Askush nuk e di si kryhen testimet, sa është numri i testimeve që u kryhen qytetarëve.
Kryeministri ka dalë ka thënë disa rregulla dhe më pas ka çuar policët, Shqipëria është vendi që ka marrë masat më drastike në botë, duke shkelur të drejtat e njeriut, nuk është e njëjtë që të kalosh nën një regjim të tillë masash.
Izolimi i njerëzve pa u shpjeguar atë që ndodh, kjo nuk është normale. Jeta ekonomike nuk duhet ndërprerë, pasi kjo është pikërisht një nga arsyet se pse qytetarët nuk i respektojnë rregullat e nxjera nga ana e qeverisë. Pensionistët nuk kanë mundësi që të marrin leje online, nuk mund të jenë kaq të menjëhershme, pasi reagimi psikologjik i njerëzve mund të jetë i ndryshëm”, u shpreh Islami.
Kristian Shkreli denoncohet nga biznesi në KPP: Favorizoi një firmë me 143 milionë lekë
Bashkisë Vau i Dejës, Kristian Shkreli, manipulon tenderat duke i dhënë pa garë dhe duke sajuar kriteret duke pasur parasysh...
